Майлуу-Суу шаарында 9- май Улуу Ата Мекендик Согуштагы Жеңиштин 80-жылдыгы белгиленип, ,,Жениш" скверинде Митинг-реквием жана “Эскерүү оту” эл аралык патриоттук акциясы, Өлбөс полк уюштурулуп өттү.

Улуу Ата Мекендик согуштагы Жеңиштин 80 жылдыгына карата биздин медициналык колледждин студенттери жана окутуучулар жамааты «Өлбөс полк» аттуу патриоттук жүрүшкө жана жоопкерчиликтүү митинг-реквиемге катышышты. Бул иш-чара курман болгон жоокерлердин эстелигинин алдында өттү.
Студенттер аталарынын жана бабаларынын сүрөттөрүн сыймык менен көтөрүп, тынчтык үчүн өз өмүрлөрүн курмандыкка чалган баатырларды эскеришти. Митинг учурунда колледждин студенттери элге кайрылып, элдин эрдигине, жоокерлердин кайратмандыгына жана тынчтыктын баасына арналган кыргыз тилиндеги ырларды көркөм окушту. Аталган ырлар катышуучулардын жүрөгүнө жетип, чоң таасир калтырды.

Мындай иш-чараларга катышуу жаштардын тарыхка болгон урмат-сыйын, мекенге болгон сүйүүсүн жана ардагерлерге болгон ыраазычылыгын тарбиялайт.

Эскеребиз. Сыймыктанабыз. Ыраазылык билдиребиз.